萬眾期待

Pirates of the Caribbean: Dead Man's Chest

這個下午很無聊

今日收工後
原先諗住返屋企來個午睡
但天氣實在太熱喇~
所以去左泳池游水

點知...
個主池close左
局住去個副池
個泳池已經變左做暖水池
跟住都唔可以叫做游水喇
完全係一個阻礙賽
一路要左閃右避
極度無癮

都係聽日同老豆去游早水啦~~~

*邊到可以搵到個咁正既pool呀???

再見了我的所愛...

- 奶茶、咖啡
- 雪條 (夏天不能食雪條, so bad...)
- 魚生、生蠔
- 大排檔

天空

唔知幾時開始
無論晴天、雨天
都好鐘意望住個天

天氣變化就好似人既心情咁
呢一分鐘心情差咩
下一分鐘就轉返好

請面對現實

超B有一句說話簡而清
「緣了就是完」

分手手續

分手的手續簡單得很
delete哂電話內你既message & 相
物件交收 (留在你家的就算吧)

或者這些都是表面功夫
最重要的是你已經不在我的心中，佔任何一個位置
你只是我記憶中的一部份
對著你及你的事物
已經無任何感覺
請不要怪我唔聽你的電話、唔睇你既message
不要破壞你留給我最後的印象

義無反顧

友人說遇到一個令自己可以義無反顧的人
可以放棄所有東西

我想...無論讀書、工作、愛情
還未遇到一件事或人可以令我義無反顧
因為我太計較、太怕受傷害喇
今日付出多少
不代表你可以得到一樣的回報

我跟你一樣
最愛的都是自己
所以...別再找我了
過去的時間是不可以追回來

懸崖勒馬

*係我未變成酒徒前，我要懸崖勒馬

呢句說話或者係誇張左
但我怕自己真係會飲上癮
第一次飲一支啤酒
已經有飄飄然的感覺
可以暫時忘記不開心的事/人/物
不過e家要飲多好多先可以
最不應該既係可以無拉拉自己買酒返屋企飲
都唔知為乜
仲嚇親屋企人tim~
既然事情已經完結
都不應該繼續依賴酒精

第一次飲醉酒應該係唔知中五定中七o個年
同一齊做暑假工既朋友仔出去飲酒
飲大左仲要"懶"醒
自己搭巴士返屋企
嘔哂落隔離位個姐姐身上
佢係咁鬧我
不過我都聽唔到

為左自己既身體
要做個健康人
呢個星期六開始
要開始返游水
去沙灘定泳池好呢?
睇下約到邊個啦~~~

p.s.同友人happy hour飲下cocktail就無所謂啦~~~

爸爸節

訓得4粒鐘就起身來個family day
先去石澳陽光與海灘再去布袋澳食海鮮
爽呀~~~

「新」朋友

於沒有愛情煩惱底下
從新認清朋友對我既重要性

hoshanshan & fungbobo係我恆商既roomate
好多謝佢地o係我每次失意時都陪住me
原來佢地已經陪我渡過左3段感情既起起落落
阿張同michelle係我大學同學
阿張就唔使講啦~
同佢都唔知點解grad左後先friend.
睇黎michelle都可以有進一步發展空間
球證文韜就新識既
都叫o岩channel

原來呢個世界仲有好多人等緊me~~~

「我也已經自由了!」

好想好想大大聲唱一句「我也已經自由了!」

經過幾個月既拖拖拉拉
或者嚴格d講,係我不肯面對現實
我與他之間的感情已經不再
原來感情係會不進則退

六月十七日就是完結的日子
亦都是我回復自由既日子

以下歌曲都可以從我部iPod內刪除：
「lost on the stoop」
「願我可以學會放低你」
「Hurt So Bad」
「Are u happy now?」

happy friday~~~

琴晚同同事們去唱k
準時離開公司
(目標為本，1730)
不過唱得4粒鐘
著實唔多夠喉
之後心思思想睇波
去左銅鑼灣同舊同事一齊睇荷蘭對科特廸瓦
氣氛好好~~~

happy birthday to 阿張~~~

友人阿張呢個星期生日
琴晚就約左大學班friend去有骨氣打邊爐
順便睇埋波
氣氛都幾好架~~~

食食下，阿張問左句
「點解我地會friend左既呢?」
突然間諗唔到喎
雖然做左3年同學仔
但係不嬲佢有佢班friend
我有自己玩
點解既呢?真係諗極都唔明

人齊喇~~~

「一公升的眼淚」

好耐都無咁既心情去"煲"碟
多謝友人借我既「一公升的眼淚」
一套真人真事的日劇
好感人
攪到我呢兩日都留o係部電視機前面
(唔好計我出左去睇英格蘭)

world cup 2006

從來都未試過好似今年咁
咁想睇世界盃
呢一刻英格蘭上半場已經1比0
跟住會點呢?

森美小儀事件

讀中學時成日都放學趕返屋企聽"森美變態樂園"
跟住唔知幾時開始就多埋小儀
之後個節目時間轉多幾次，改多幾次名就無再聽lu~

今次個網上投票事件真係有需要搞到咁既下場咩?
要暫停節目，又要停薪留職
森美仲quit埋中大份part-time
o靚仔真係聽下個節目就會學壞?
會走去非禮人?
唔係幻想下都唔得呀???
唔好下下都話會教壞青少年就唔俾呢樣唔俾o個樣啦
e家d靚仔實在有太多機會學壞或者諗埋一邊
今次係咪一個難得既機會反省一下
大人們其實製造左個溫室出黎
攪到時下青少年咁脆弱

我喜歡 vs 我不喜歡

我喜歡：
- 張震嶽
- creep by radiohead
- labour of love by frente
- playmobile
- sex & the city
- 黃偉文
- "daisy"、"觸不到的戀人"
- gathering with hoshanshan & fungbobo
- happy hour with friends...
- 游水

我不喜歡：
- 肥膩野
- 朱古力
- 扮q哂野的人
- 等
- 熱
- 黑眼圈

暴風雨前夕...

這幾天在辦公室內的氣氛實在怪怪的
就似暴風雨前夕...
睇黎「死亡之週/月」快將開始
大把工作排住黎
所以琴晚就約埋同事們來個happy hour
relax一下
雖然我地既話題都離不開o個幾樣野
工作、愛情、事業、家庭...

來個深情對話後
發現有d野不知不覺下都放低左

黑白灰 (續)

自從友人提醒世界還有灰色後
開始留意自己的思維方式
原來我的答案只有...
是與否
喜歡與討厭

更甚的是...
對著我喜歡的事或人，我只看到好的一面;
相反
我厭惡的，就是看不順眼

有需要改變麼?

或許，我會開心點

自由

自由
作詞：張震嶽　作曲：張震嶽

也許會恨你　我知道我的脾氣不是很好
也許不一定　我知道我還是一樣愛著你
打開一瓶紅色的酒　看著金魚游來游去
是否我們都想要自由

我沒有關係　你可以假裝沒事離開這裡
一切好安靜　我只是想把情緒好好壓抑
到底誰會先說再見　我知道我一定哭泣
走的時候記得說愛我　愛我

說愛我　說愛我　難道你不再愛我
我的淚　滴下來　你從來不曾看過

為什麼　為什麼　愛情讓人變沈重
沒有人　告訴我　原來不是我想像
不要回來　你已經自由了　我也已經自由了

---------------
最初聽呢首歌係N年前台灣少女標既李心潔唱
事後發現原作/唱者係張震嶽
跟住就愛上張震嶽了~
(只限當年的張震嶽，現在"懶"係玩電子的他實在不是我杯tea)

希望十日後的我可以大聲唱句「我也已經自由了」

我需要的 / 我付出的

還記得讀書時的題目好興問pros & cons
現在，就讓我來個自我檢討吧

我希望身邊的他：
- 珍惜我，包括我的人與我的心
- 讓我痛苦也懂得討我歡心 (是否有點自虐?)
- 明白/了解/體諒/關心我，但不需要囉唆我 (我會打人架!!!)
*最重要的是愛我 (自己都忍不住打冷陣)

我願意付出的：
- 時間、精神去聆聽你每日的瑣事，只要你樂意說
- 討你歡喜 (但永不要期望可以準時收到生日禮物)

今日諗住咁多先啦~

祝LLL快高長大~~~

不知不覺Mr. Liu (Jr.) 已經3個月大喇~~~
bb真係大得好快
Mrs. Liu望住LLL既眼神
好有慈母feel
仲好滿足tim~~

酒精

無數個夜晚依賴酒精入夢
希望夢中能夠擺脫你
當我感覺到酒精經食道進入胃
就好像慢慢地遠離你
明知是個消極的做法
你教我可以如何處理?

全是我

每個都是我
過去的我
曾經的我
可一不可再

有些日子
是我不敢回想的

現在的我
將來的我
又如何?

麻木

內心其實好痛...好痛
四年
說長不長
說短不短

這四年究竟發生過甚麼
想不起來
滿腦子都是你的不是
但怎麼還不捨得放開你?

是不忿氣麼?
是愛麼?
到底是為什麼?

好想好想大哭一場
只是一滴眼淚也流不出來
或許
心痛得太久
人也變得麻木了

黑白灰

友人說得對
「灰色」不存在於我的世界裡
只有對與錯
黑與白
不是朋友
就是敵人
討厭膠著的狀態
討厭進退兩難的局面
需要一個定案