遇到「高學歷低能兒」你會點做?

話說我今日下午去戲院睇戲。開畫前仲有時間，我就去商場無聊地逛逛。 路過MUJI男仕服飾部，我聽到一把無咩自信既男仔聲問個售貨員：「我想問有咩薄既外套顏色襯我膚色架?」我順住佢既手指指向佢本人塊面，一塊青春無敵既面就係我面前。由於睡眠不足既我內心早早發出「黃色火災危險警告」，我等唔切售貨員既回應就速速離開現場。 我內心善良既一面：「阿哥仔係色盲既，所以要搵人幫手俾意見。」另一方面諗：「唔係呀，咁大個人，買件外套都做唔到決定???其實彩色斑馬紋好o岩你膚色，可惜MUJI無呢D style，我建議你去MK或SSP走一轉。」 好不容易磨到夠鐘入戲院。坐低一陣，一堆堆既後生仔女都入場。我估學生佔大多數，我係負責拉高場內既平均年齡。其中7個坐左我身邊前後行，佢地言語間暗示(其實都幾明下)我坐左佢地其中一個位。由於人地人多勢眾，我內心脅左一脅，偷偷望左張飛尾，我無入錯院又無坐錯位，於是我主動俾張飛尾佢地睇，佢地當然縮啦。 戲院內燈光轉暗而且開始播廣告,個7條友繼續擾攘。我內心既「火災危險警告」已經由黃色轉左紅色。突然間，佢地其中一條友發現，原來佢地買左聽日飛!!!(WTF!!!)我隔離位個女仔第一時間講「妖,賣飛o個個係咪智障架?」(吓?你地唔CHECK下張飛,將所有責任推哂俾人架?)已經開始放TRAILER,佢地堆中終於有兩個人肯攞住D錯飛出去搵人協助。其餘既人繼續o係個位到「點算呀?...點算呀?...」好彩最後有個經理入黎幫佢地解決，可惜我咩睇戲MOOD都破壞哂。

年紀與勇氣成反比

看見友人FB內留言有感而發...
友人A工作不如意,奈何有樓要供,有仔要養,再唔係可以攞完year end bonus,quit左份工再慢慢搵過份既一份子~
友人B愛情路上浮浮沉沉,飛左「現在式」,又看不見「將來式」,飛好定唔飛好?

我只係愈黎愈驚死。

細路時最鍾意玩過山車、跳樓機,「立志」他日搵到錢時要玩笨豬跳,空中降落傘。依家你叫我玩就真係笨喇。如果玩呢機動遊戲時有咩意外,我點對得住雙親?咁多年供書教學,我仲未孝順返佢地夠架!調返轉,如果我身邊有咩人突然出事,我都接受唔到囉~所以做咩重大決定都好,都要考慮埋身邊所有人先呀~

iphone唔iphone?

聖誕假期好幾個聚會中，我先發現身邊唔同群組既朋友都轉哂用iphone。
當我地想夾下一次見面時間，個個都攞部iphone出黎check，得我係唯一一個仲用緊紙製既schedule。o個個場面爆笑都呢...因為幾唔識用電腦既人都有部iphone在手。
iphone無錯係方便人，但我覺得iphone同樣封閉人。
我唔反對人地用iphone，但我討厭兩個人就算面對面，你選擇按按按部iphone都唔開口講野。

p.s. PSP/NDS/any kind of PDA/smart phone as well.

兜兜轉轉好咩?

雖然依家既人愈黎愈長命,但在你既人生路上兜兜轉轉好咩?

家庭，你係無得選擇既，所以你只可以付出、付出、再付出。雖然同兩老有嚴重代溝，雖然成日同大家姐&細佬鬥氣，但我知道大家都係咁愛大家既。

事業/學業，有清晰目標的人，請努力;相反，如果你係抱住試試下既心態，唔該你都set個試既期限，而且付諸行動!

愛情，真係要天時地利人和。無數個「對的人在錯的時間」、「我愛你、你愛他/她/它/牠」的故事，你唔厭我都煩啦。最近在身邊發生的感情事，我真係「有點火」。好老土的一句：「你唔知自己想要咩，但你一定知道自己唔想要咩。」

所以，唔該，唔好阻人前途累人進步。

工欲善其事,必先利其器

我要改善廚藝!!!工欲善其事，必先利其器。今日o係一田特價，添置左兩件新用具。


要煲多D湯水...(俾自己飲)


話買左成年既鑊，終於的起心肝買左。

半年

入左隊半年，我都覺得自己唔同左。

第一樣野係講野愈來愈大聲，特別是講電話時。好幾次搭巴士講電話都俾人bear住。

第二樣野係「怕死」左。或者用老總所講，安全意識高左。以前屋企無人都長開電腦呀,抽濕機呀,依家唔敢喇。

第三樣野係「原來自己講野好多廢話」。依家要學講重點only。

黎緊既目標：快、狠、準!!!

dream man...

Dr.Derek Shepherd in Grey's Anatomy


Agent Seeley Booth in BONES

最新戰利品

好耐之前已經見到出左新系列
但我忍...我忍...
我話俾自己知「夠架喇...再買張床就無位瞓架喇....張SOFA都無位坐架喇...」
不過今日都係衰左...

好好照顧自己

不經不覺搬出黎住就快有3年時間，以下係本人呢3年遇到最討厭的事：

1)沒完沒了既塵
就算唔開窗，只開冷氣，我都唔知D塵係邊到黎

2)洗厠所
好彩現在有鐘點姐姐攪掂

3)無厠紙
試過唔記得買厠紙，差點要問隔離屋借

4)停水停電
最怕放假先發現當日無水無電

5)病
最...最大獲莫過於病。

6)因為成日食味精，買買埋埋唔少健康食品，但我估心理成效多過實際作用。


如果你又係自己住既，你又最怕咩事情呢?歡迎分享一下。

feel so bad

係香港人既都知琴日有單NO.4火警
亦係我入TEAM以黎第一次遇到有CASE死左伙計
雖然素不相識
但O個種似遠還近既感覺
make me feel so bad

人夾人緣

你信唔信人夾人緣?
你會唔會對某類人特別投緣?可以咩都講一餐?
你會唔會覺得某些人「需無過犯，但面目可憎」(簡稱「樣衰」)?
你會唔會對住某類人特別緊張?
有某類人你會唔會特別想「蝦」佢、串佢?
對住某類人,你既「抵抗力」特別低?

如果你既答案係YES,你會如何處理?尤其是對著樣衰的人?作為一個成熟既人,係咪應該對住咩人都好,你都可以將自己既喜惡藏於心底(i.e.不會發脾氣)?你選擇朋友又有咩要求?

早幾日聽收音機，節目主持講認識新朋友時有三樣野佢好討厭:
1) 寒背
2) "UN"腳
3) 食野時大大聲

呢三樣咁表面既野,你當然可以即時發現
但如果你既要求係比較內在既,你會否花時間去觀察一下先呢?

人與人之間不要弄得這麼複雜
但與我不投緣的人,請不要走埋黎「點火」!

返SHIFT的日子

返左差不多兩個多月SHIFT的日子
其實都無咩唔習慣
相反，本人相當ENJOY
返SHIFT可以話係準時返工放工
終於可以好好安排自己的節目
YEAH~~~

如果我有仔女...?

成日用「二號聲」去形容人地同男女朋友講電話
但原來呢個形容詞都可以放於爸爸媽媽身上
係現代既爸爸媽媽身上

我細個時媽媽去左返工
如果我地三姐弟打俾佢
佢都係一句起兩句止
叫我地唔好阻住佢做野

但今時今日唔同LU
依家D細路真幸福~~~

如果我有仔女...我會想佢地係...

1)有禮貌-有禮貌的人是順眼D既
2)獨立-本人真係好唔鍾意D人"痴"身"痴"勢
3)最好係天生廚神-因為我煮野太難食喇,成日幻想仔女放學會去買餸煮飯俾阿爸阿媽食

以上都係得個諗字,等我搞得掂自己先啦~~~

願天下所有子女都好好地孝順父母!!!

仲有兩更...

仲有兩更...我的on-job training就完喇
咁表示要獨立自己坐埋位做野
要多謝咁多位教過我地既老總、師兄、師姐
希望咁多位C50既兄弟姐妹一切順順利利~~~

選擇

今晚好開心同朋友打邊爐
開心既原因係大家咩都可以講
工作、時事、旅行、食物、無聊野
輕輕鬆鬆就一晚

我不能選擇我的家人、我的同事
但感謝我有選擇朋友的權利

多謝肥佬AGAIN^.^

肥佬特登訂個攬枕俾我返瞓房攬住黎瞓
依家見到個實物...差不多等於個梳化咁長
我諗我個LOCKER都擺佢唔落
都係留佢在家中吧啦

多謝肥佬^.^

肥佬勁lucky呀
咁都俾佢抽到隻大野
(雖然我係想要細o個兩隻多d...)

thanks Wayne & Mandy~

尋找生活

一直想做到Work-Life-Balance

讀Marketing,係因為有興趣
畢業咁耐,都係做Sales & Marketing既工作
愈做得耐愈發現慢慢無左自己既生活
每日有開工但無收工時間
就算放假,個心都係記掛住手頭上的project
不時會諗...咁辛苦為咩呢?

慢慢習慣返shift的工作時間
開始搵返自己的興趣事項
第一件事係打羽毛球
第二件事係考車牌

希望黎緊既生活愈黎愈好^.^

空間感...

不懂如何說出來...我不喜歡被人圍著的感覺
特別是給不喜歡的人圍住

係咪所有人唔多唔少都會有少少類似情況,只是我特別敏感?